Представляем Вашему вниманию видеоклип с духовными песнопениями в исполнении мужского хора Санкт-Петербургской православной духовной академии и иллюстрациями в виде икон, фресок и рисунков с изображением Иисуса Христа, Божией Матери, Святой Троицы, Николая Чудотворца, священномученика Ермогена, Сергия Радонежского, Серафима Саровского и других великих святых. Хор под руководством Сергея Ганина и Марка Качанкина исполняет псалом 103 «Благослови, душе моя, Господа» и «Свете тихий». В составе хора студенты 3 и 4 курсов 2014-2015 учебного года.
Псалом 103: «Благослови, душе моя, Господа»
Благослови, душе моя, Господа. Господи Боже мой, возвеличился eси зело; во исповеданiе и в велелепоту облеклся eси; одеяйся светом яко ризою, простираяй небо яко кожу; покрываяй водами превыспрeнняя своя, полагаяй облаки на восхожденiе свое, ходяй на крилу ветрeню; творяй ангелы своя духи, и слуги своя пламень oгненный; основаяй землю на тверди eя; не преклонится в век века. Бездна яко риза одеянiе eя, на горах станут воды; от запрещенiя твоего побегнут, от гласа грома твоего убоятся. Восходят горы, и низходят поля, в место eже основал eси им. Предел положил eси, eгоже не прейдут, ниже обратятся покрыти землю. Посылаяй источники в дебрех, посреде гор пройдут воды. Напаяют вся звери сeлныя, ждут oнагри в жажду свою. На тых птицы небeсныя привитают; от среды каменiя дадят глас. Напаяяй горы от превыспренних своих; от плода дел твоих насытится земля. Прозябаяй траву скотом, и злак на службу человеком, извести хлеб от земли; и вiно веселит сердце человека, умастити лице eлеем; и хлеб сердце человека укрепит. Насытятся древа польская, кедри лiванстiи, ихже eси насадил; тамо птицы вогнездятся, eродiево жилище предводителствует ими. Горы высокiя eленeм, камень прибежище заяцeм. Сотворил eсть луну во времена; солнце позна запад свой. Положил eси тму, и бысть нощь, в нейже пройдут вси зверiе дубравнiи, скимни рыкающiи восхитити и взыскати от Бога пищу себе. Возсiя солнце, и собрашася, и в ложах своих лягут. Изыдет человек на дело свое и на деланiе свое до вечера. Яко возвеличишася дела твоя, Господи; вся премудростiю сотворил eси; исполнися земля твари твоея. Сiе море великое и пространное; тамо гади, ихже несть числа, животная малая с великими; тамо корабли преплавают, змiй сей, eгоже создал eси ругатися eму. Вся к тебе чают, дати пищу им во благо время. Давшу тебе им, соберут; отверзшу тебе руку, всячeская исполнятся благости; отвращшу же тебе лице, возмятутся; отимеши дух их, и изчезнут и в персть свою возвратятся; послеши дха твоего, и созиждутся, и обновиши лице земли. Буди слава Господня во веки; возвеселится Господь о делех своих; призираяй на землю и творяй ю трястися; прикасаяйся горам, и дымятся. Воспою Господеви в животе моем, пою Богу моему, дондеже eсмь; да усладится eму беседа моя, аз же возвеселюся о Господе. Да изчезнут грешницы от земли, и беззаконницы, якоже не быти им. Благослови, душе моя, Господа.
«Свете тихий»
Свете тихий святыя славы Безсмертнаго Отца Небеснаго
Святаго, Блаженнаго, Иисусе Христе!
Пришедше на запад солнца, видевше свет вечерний,
поем Отца, Сына и Святаго Духа, Бога.
Достоин еси во вся времена пет быти гласы преподобными,
Сыне Божий, живот даяй;
темже мир Тя славит.
